وقال شريف دسوقي، عبر مداخلة فيديو مع الاعلامي عمرو أديب ببرنامج "الحكاية": "أصبت في مسلسل ما، فجأة في 11 يوم جالي الضغط والسكر وقدم سكري، وأنا في تصوير أحد المسلسلات والتي قيل أنهم مشوني منها، أصيبت بجرح صغير وقولتلهم ودوني المستشفى وملقتش معايا حد غير المنتج أحمد الجنايني، وخبيت عليه لمدة شهرين أني تعبان وعندي السكر".
وأضاف "فوجئت بعد كده وأنا داخل المسلسلات أنهم بيقولوا شريف دسوقي بيدخل لوكيشن المسلسلات وهو سكران، مستحيل أعمل كده لأني متربي في مدرسة إسماعيل ياسين واللي هي بتعتبر المسرح جامع أو كنيسة وليه قدسيته".
وتابع دسوقي "أنا مكنش عندي صداع أنا كنت مهدد بالبتر، رجلي كانت هتتبتر وأنا مش عايز أكتر من حقي، مكنتش عايز غير أني أتعالج".
وأوضح "غلط إن المنتج يكلمني ويقولي إيه أخبار المصحة اللي كنت فيها، بقول للناس عيب يتقال عليا بيدخل اللوكيشن سكران ومخمور، دنا بروح قبل ميعادي بساعتين، وبقعد مع العمال وأفطر على الأرض".
يذكر أن آخر أعمال الفنان شريف دسوقي فيلم "وقفة رجالة" بطولة ماجد الكدواني، بيومي فؤاد، سيد رجب، ومحمد سلام، من تأليف هيثم دبور، وإخراج أحمد الجندي.