وكتب عمرو مصطفى، عبر حسابه على "فيسبوك": "أنا خضت مشاكل كثيرة جدًا ملهاش قيمة.. في برنامج العرافة رمضان اللي فات طلعت وقدمت نصيحة لمحمد رمضان لكي يستفاد بتجربتي ويبطل مشاكل، لكن للأسف النهاردة اتفاجئت إنه بيقحم اسم مصر في مشاكله الشخصية، عن طريق محاولة قلب الحقائق بفيديو يخص مشكلته الشخصية في التحفظ على أمواله، غير تلميحاته بأن مصر وأهلها لو محتاجة فلوسي يتفضلوا أنا جاهز".
وتابع "لا يا رمضان مصر وأهلها مش في حاجة لفلوسك ولا لفلوس أي حد، بعد إذنك حل مشاكلك الشخصية من غير ما تدخل اسم بلدي في أزماتك، والجمهور المصري اللي أنت بتخاطبه بمشكلة شخصية، ده جمهور واعي جداً وينتمي لمصر أولاً قبل محمد رمضان أو أي فنان آخر".
وأضاف "الولاء الأول والأخير لمصر، وأنا كشخص من القوة الناعمة اللي بتمثل مصر واجبي إني أحذرك من إقحام اسم بلدي في أزماتك، وواجبي إني أغير على بلدي أنا وأي حد بيحب البلد دي".
وكان رمضان قد نشر مقطع فيديو عبر حسابه الرسمي على "فيسبوك"، أعلن خلاله أن بنك CIB قام بالتحفظ على أمواله.
وروى محمد رمضان تفاصيل المكالمة التي دارت بيه وبين أحد موظفي البنك قائلا: "صحيت من النوم النهاردة على تليفون من البنك بيقولي الدولة تحفظت على أموالك، رديت عليه قولت له أنا وفلوسي وبيوتي ولحم كتافي ملك بلدي وأهل بلدي، وللعلم معايا فلوس في بيتي أد فلوسي اللي في البنوك ومستورة".